Vawiin khan Chief Engineer, Power &Electricty Deparment Er.R.Vanlalhruaia hovin I&PR Conference Hall, Bazar Veng, Lunglei-ah kum 2013-2014 chhunga Lunglei Power Circle chhunga kawlphetha lut zat, hman zat, bill zat leh revenue hmuh zat te zirchianna neih a ni a. He zirchiannaah hianLunglei Power Circlechhunga mawhphurtute zawng zawng an kal kim hle a ni.

Chief Engineer chuan Power & Electricity Department chuan mipuiten kawlphetha an dawn mumal theih nan theihtawp an chhuah laiin mipuiten kawlphetha man an chawi tur ang an pek that loh thin avangin Department leh ramin a tuar thin chu a pawi hle a ni, a ti a. Department-a thawkte chuan kawlphetha man tha taka pe turin mipuite an ngen thin a, pek a nih loh chuan disconnect hial a nih tur thute pawh hrilh thin an ni chungin, mipuite hian an tih tur an hlen lo fo thin a, tun chinah chuan electric bill pek hi ngai pawimawh turin mipuite a ngen a ni. Vawiina zirchianna neih hi chhimlam tan chauh a pawimawh a ni lova, Mizoram pum leh sorkar budget thleng nghawng pha thil a nih avangin a pawimawh hle a ni, a ti.

SE Lunglei Er.R.Lalrema pawhin thusawiin hetianga Chief Engineer hova ram chhunga kawlphetha dinhmun tihhmasawnna zelna tur atana zirchianna neih a nih thin chu a lawmawm hle a, chhimlama power development tha tak a awm theih nan a tul anga hmalakpui turin a sawm a ni. Chhimlam-ah power system changtlung zawk a awm theih nan 132KV Line II leh Sub-Station II tipuitling tura hmalak mek a ni a, tuna kawlphetha semdarhna Sub-Station (33KV), Power House Complex pawh tihlen zel a nih theih nan a hmun pawh buatsaih mek a ni, a ti a. Heng ruahmannate hi a puiltin theih nan mipui tawiawmna a ngen a; heng hi a puitlin hunah chuan chhimlam hian bahlah lova power supply an hmu thei tawh dawn a ni, a ti. Hemi atan hian Lunglei HPC Vice-Chairman Pu S.Laldingliana leh a bialtu MLA Pu P.C. Lalthanliana, Minister LAD etc. pawhin theihtawp an chhuahpui avangin an chungah lawmthu a sawi a ni.

Kum 2013-2014 chhunga Lunglei Power Circle chhunga kawlphetha dinhmun chu a hnuaia mi ang hi a ni :

1.         Power Maintenance Division I, Lunglei :

2.         Power Maintenance Division II, Lunglei :

3.         Power Division, Saiha :

Lunglei Power Circle pumpui dinhmun chu hetiang hi a ni :