SDO (C) leh Sub-Divisional Magistrate, Hnahthial ni bawk Pu Kannan Gopinathan chuan Thuchhuah siamin tunhnai ruahsur nasa avangin Chhimtuipui chu a lian nasa hle a, Darzokai-ah in pakhat len bo tawhin he lui chunga kea kaina lei siamchawp pawh tui hian a chim tep tawh avangin he leia kal kai pawh hi tiamchin awm lovin a khap.

Tuipui D tuilian hian in 2 dang pawh a chim leh dinhmun a thleng tawh avangin tuilianin a chim mai theihna hmuna chengte chu Community Hall lamah insawn tir rih an ni a. Sangau leh S. Vanlaiphai lam hemi kawnga kal tur Sumo te pawh hemi kawnga kal lo tur leh Counter te pawhin ticket pechhuak rih lo turin thuneitute chuan an ngen.