Nimin tlai dar li a neih zawh tak Chhingchhip Mualpui VC by-election a vote tla te chu nizan dar 6:30 atang khan counting table pali ah chhiar niin dar 8:00 PM ah chhiar zawh a ni a, vote chhiarna hmunah hian Serchhip DC, District Election Officer ni bawk Pu H.Darzika leh Assistant District Election Officer Pu ST Lalhmingmawia, MCS ten a tir atanga a tawp thlengin uluk takin an vil reng a, vote tla zawng zawng chhiar zawh anih hnu a candidate te vote hmuh dan chu hetiang hi a ni.

1)      J.Rosiama(Independent)                     =             497
2)      P.Zathuama(Independent)                  =             495
3)      Lalfakzuala(Independent)                   =             474
4)      C.Lianhlira(Independent)                    =             465
5)      K.Biakzinga(INC)                               =             327
6)      R.Lalnunmawia(INC)                          =             323        
7)      Lalremthanga(INC)                            =             318
8)      F.Zakhuma(INC)                               =             299

Invalid Votes (Vote Thi)                             =             33

Village Council Seat li inchuhna a vote hmusang pali te hi Independent candidate vek an ni a, Returning Officer Pu R.Vanlalhluna'n inthlan result a puan zawhin tling thar te hnenah hian an tling a ni tih hriattirna certificate a hlan nghal theuh a ni.