Chief Minister Pu Lal Thanhawla chuan 'Mizo thalaite hi infiamnaah India chhemalhtu in ni thei' a ti. He thu hi nimin tlaia a chenna ina Mizoram Amateur Taekwando Association (MATA) in hlawhtlin lawmna programma an buatsaihna a a sawi a ni.

Chief Minister Pu Lal Thanhawla chuan Mizo thalaite talent cho chhuah tham awm chu sum harsa chungin Sports Minister thahnemngaihna avangin cho chhuak tura hmalak mek zel anih thu a sawi a. Thalaite ten pawnlama inphochhuah, exposure an mamawh tih hriain sorkar chuan a tam thei ang ber nei turin tan a la mek bawk a ni a ti. Infiammi Mizo thalaite chu Mizoram pholangtu leh Indian tihmingthatu ni thei turin ruihtheih thil leh zuk leh hmuamah insum mai nilo, fihlim angai a ni a ti a. Kan ei leh inah te insum thei nih a tul thu a sawi bawk.

Chief Minister chuan Mizo thalai ten khawvel inelna Taekwando a India tana medal an rawn hawn chu ropui a tihthu sawiin,a traintu te leh Association ten taima taka an kaihhruainaah lawmthu a sawi a. Tunhnai, 5th Commomwealth Taekwando Championship 2011, Chennai a 28 - 31 January 2011 neiha India aiawha Silver Medal 2 leh Bronze Medal 7 dawngte hnenah chawimawina certificate Pu Hawla chuan a hlan a. Heng bakah hian nikum 2010 a Indian Open International Taekwando Championshipa medal dawng mi 7 te hnenah, Mizoram sorkarin a pek, "Kit Allowance' Cheng 10,000/- theuh  a hlan bawk a. Taekwando International Referee qualified thar mi 3 hnenah chawimawina certificate Chief Minister hian a hlan bawk a ni.