Sainik School Chhingchhip chu 2017 - 2018 Academic Session atangin tan a ni dawn.

Sainik School Chhingchhip ah hian Class-VI atanga tan tur a ni a, he school-a lut thei chin, luh dan leh inkaihhruaina pawh chhuah a ni tawh a; mahse, Zoram mipuiten he school kalphung hi kan la hriat chian tawk loh avangin he school-a luh diltu hi tun thlengin an la tam lo hle a ni.

He school tan kumah hian Session hmasa ber atan mipa naupang 50 lak tur a ni a; mahse, diltu an tlem avangin Sainik School Society, Ministry of Defence, Government of India hnenah kum bithliah chin tisang turin Mizoram Sawrkar chuan a dil a. State Sawrkar rawtna ang hian kum bithliah chin chu kum 12-ah tihsan niin July ni 1, 201 7-a kum 12 la pumhlum lote tan he school-ah hian luh dil theih a ni.

Sainik School hi mi harsa leh kilkhawr zawka awmten Public School zirna tha an dawn theihna tura Central Sawrkar hmalakna a nih rualin India sipai-a officer an nih theihna tura ruahmanna niin heng school-a lut turte tan hian Scholarship tha tak duan a ni a. Scholarship Scheme chungchangah hian nu leh pate thla khata Rs. 50,000/- la lut lo tan School Fee, Mess Fee, thawmhnaw, etc. zawng zawngte hi State Sawrkar leh Ministry of Defence-in a tumsawk dawn a. Thla khata Rs. 50,000/- leh Rs. 1,00,000/- la lutte tan senso ngai angte hi 50% tumsak bawk tur a ni. Thla khata Rs. 1,00,000/- chin chung lam la lutte tan chuan Scholarship hi an dawng ve thei dawn lo a ni.

State Sawrkar hi kum bithliah san tura phalna pek a nih rual hian Admission Form dawn hun chhung pawh hi pawh sei phalsak nghal a ni a. Admission Form hi Director, School Education hnenah 23.12.2016 thleng, Sub-Divisional Education Officer te hnenah 20. 12. 2016 thleng leh Education Officer, LADC, MADC and CADC te hnenah 20. 1 2.2016 thleng theh luh theih a ni.