Vawiin hian Chhipphir Education Workers Association buatsaihin Teachers Day lawmna leh Education Campaign hman a ni a, Pu Lawmawma, District Education Officer Serchhip chuan a hmanpui.
Pu Lawmawma chuan zirtirtute dinhmun pawimawh zia sawiin, nakin lawka kan ram hruaitu la ni mai turte kaihruaitu leh chhertu an nih avangin rinawm tak leh fel taka invawng turin a chah a, rah chhuah nun nei tura nun uluk turin leh naupangte entawn tura zuk leh hmuamah te pawh inthiarfihlim turin a chah a. Hlawhtlinna chang tur chuan thawhrim a ngai a ni tih hi vawng turin a chah bawk.
He hunah hian pu C. Laihnuna, SDEO, Thenzawl, Pu R. Lalawmpuia, Dy. DPC SSA, Serchhip bakah zirtirtu dang thahnem tak an tel bakah khawtlang hruaitute, NGO hrang hrang hruaitute, zirlai naupangte leh Kohhran hruaitute tel a. Thupui hrang hrang an zir ho a ni.
