Vawiin hian sawrkar laipui hmalakna Pradhan Mantri Awas Yojona (PMAY)-Housing for All (Urban) hnuaia in sak tanpuina diltu chhungkaw 404 te hnenah tanpuina pek a ni.

He hun Serchhip Auditorium-a neih hi Pi Vanthangpuii, District Urban Development Officer (DUDO) Serchhip chuan a kaihruai a, India ramin zalenna a hmuh Kum 75 na a tlin hma (2022) ngei a, khua leh tui zawng zawngten chenna in an neih vek theihna tura sawrkar laipui hmalaknaa nih thu a sawi a. “Pradhan Mantri Awas Yojona (PMAY) – Housing for All (Urban) “hnuaia tanpuina diltute hnenah insak tanpuina tur sum chu an bank account-ah dah luh sak anih thu a sawi.

Benjamin Lalnunsanga Colney, State Level Technical Cell PMAY (Urban) UD&PA  chuan PMAY/HFA (Urban) beneficiary te chu hma an lak dan tur leh scheme kalphungte a lem nena entirin a sawi fiah a, sawrkar laipuiin in sak dan tur leh ruahmanna a siam hrang hrang te bakah hriattur pawimawh tak tak te a sawi a. Tanpuina sum dawngtute  chuan 30 sqm-a zau  in an sa ngei tur ani a, in an sak chhung hian satellite hmanga thlalak (Geo-Tagging) vawi 5 neih tur niiin, tanpuina sum Rs.1,50,000 hi installment 3-a pek tur a ni dawn a, beneficiaryte  bank account ah a tah tawla  dah luh sak zel  an nih tur thu a sawi bawk.