Vawiin khan MYC Chairman Pu Joseph Lalhimpuia  chuan Rajiv Gandhi Stadium, Mualpui-ah nimin atang neih tan tawh, Army Recruitment Rally kal mek chu chu a tlawh a. Sipai tan tum thlaite a fuih bakah batch khat tlan tur te chu a vailiam nghal a ni.

MYC Chairman Pu Joseph Lalhimpuia chuan, "Kumin Sipai Lak Runpui atan hian Mizoram Youth Commission(MYC) chuan Mizo thalai, sipai tan tum te tan 20th August, 2018 atang khan Pre-Recruitment Training a buatsaih sak tawh a. Indian Army Recruitment Rally, 2018 hi atirah chuan November chawhnu lama neih tura ruahman sa a ni na in MYC ngenna angin October thlatira neih turin Headquarters Recruitment Zone, Shillong chuan min sawn hma saka a lawmawm hle a ni", a ti a. Sawrkarin MYC kaltlang sipai tan duhte tana inpuahchah lawkna a siam chu mi tam takin a hlawkpui ngei a beiseiawm tih a sawi a ni.

MYC in a buatsaih Pre-Recruitment Training chu Mizoram chhunga District zawng zawngah kalpui a ni a. Mizo thalai sang telin he coaching class hi an chhim a. Subject hrang hrang zirtir turin mithiamte rawih an ni a. Physical training mumal tak neihpui an niin an eitur thlenga pek an ni.

 

Attachment

  • Loading attachment...