Chi (salt) Supply a tawp dawn anga khual thuthang a awm avangin mi tamtak an mangang mek tih hriat a ni a. Hei hi finfiah loh thuthang mai mai a ni tih Supply Deptt. atangin hriat a ni bawk.
He thuthang hi nunphung ti khaihlak thei a nih avangin Kolasib District Magistrate Pu R. Lalramnghaka chuan Dan-in thuneihna a pek angin hetiang hian thupek a chhuah:
1. Chi a vang dawn tih thuthang avangin mi tumahin Chi (salt) an chheprelh tur a nilo.
2. Chi hi a zawrhna tur rate pangngai aia sangin tumahin an hralh tur a nilo.
3. Hmun danga hralh turin Kolasib District chhunga Chi kawltute hnen atangin tumahin an lei khawmin an phur chhuak tur a ni lo.
He thupek bawhchhetu chu IPC Section 188 hmanga action lak a ni ang.
