No.2894/2021-2022 

Aizawl the 5^th November, 2021 : Special Summary Revision of Electoral Rolls, 2022 hna kal mek chungchangah  Mizoram Chief Electoral Officer Pu P. Jawahar, IAS leh Jt CEO Pu David Liansanglura Pachuau te chuan Lunglei vawiin khan rawn thlengin Lunglei DC Conference Hall-ah meeting an nei a ni.

Meeting-ah hian Lunglei District Election Officer & DC Pu Kulothungan A, Election Officer Pi C. Lalduhzuali te leh Lunglei District huamchhung assembly constituency paruk Electoral Registration Officer (ERO), Asst Electoral Registration Officer (AERO) te bakah Sub Hqr YMA Lunglei hruaitute an tel a ni.

Mizoram Chief Electoral Officer Pu P. Jawahar, IAS chuan India khua leh tui vote nei thei chin kan nih chuan vote thlak hi kan dikna chanvo leh kan mawhphurhna pawimawh tak a ni tiin kum tling tharte leh midang roll a hming la thun lut lo te pawh he Summary Revision hun chhung hian inziak lut ngei turin a sawm a. Lunglei District-in roll dik leh felfai tak a neih theihnan khua leh tui diktak kum tling tawhte chu electoral roll-a ziahluh ngei a pawimawh thu sawiin election kaihhnawiha Lunglei District a mawhphurna chelhtute chu SSR 2022 chhungin theihtawp chhuah turin a chah a ni.

India khua leh tui dik tak, January ni 1, 2022-a kum 18 tling chin te tan November ni 1 atanga ni 30 chhung hian Electoral Roll ah a inziahluh theih a ni. Registration hi mahni BLO te kaltlangin emaw Voter Helpline App hmangin a tih theih a ni.

November ni 1-a tih chhuah Draft Electoral Roll in a tarlan dan in Lunglei District-ah voter 95,213 (mipa – 47,327, hmeichhia – 47,886) an awm a, Assembly constituency pali – Lunglei North, Lunglei East, Lunglei West leh Lunglei South ah te hmeichhe voter an tam zawk a ni.

Special Summary Revision of Electoral Rolls, 2022 atana Election Commission of India (ECI) hun bituk chu hetiang hi a ni:

Chief Electoral Officer Pu P. Jawahar, IAS leh Jt CEO Pu David Liansanglura Pachuau te hian naktuka Voter Awareness Bike Rally neih tur an hmanpui leh dawn a ni.