Vawiin khan Pu S.B Shashank, CEO chuan NLUP Conference Hall-ah Assistant Expenditure Observers (AEO) Orientation a hmanpui. 

CEO chuan thusawiin hun reilo tea MLA General Election, 2018 Mizoram in a neih turah inbuatsaihna  nasa takin a kalzel a, Model Code of Conduct (MCC) puan anih hunah chuan tih tur leh tihloh tur tam tak a awm dawn a ni, tiin a sawi a. Chung zingah chuan AEO te hriattur pawimawh tak tak awmin, Candidate pakhatin Cheng Nuai 20 bak hman phal a ni dawn lo a, chutiang phal zat pawisa an hman leh hmanloh lo endik leh enfiah chu AEO te mawhphurhnaah a tel avangin, orientation hman hi a pawimawh em em a ni, tiin a sawi a. AEO te leh MCMC (Media Certification and Monitoring Committee) te thawhhona leh inrawn tawnna pawh a pawimawh em em bawk a ni, a ti a. AEO te chu ECI palai niin, election dik leh rintlak neihna kawngah mawhphurhna sang tak annei a ni, a ti a.

Pi Lalzarmawii, Addl. CEO chuan kaihruaiin, Pu Vanlalrova, State Level Master Trainer chuan paper presentation a pe a, sawihona leh zawhna leh chhanna hun neih a ni.

District zawng zawnga AEO ruatte bakah Pu John Neihlaia, IPS, Nodal Officer, Police Department; Pu Rocktim Saikia, Dy. Director, Income Tax Department, Gwahauti leh Excise Department aiawh officer te an tel bawk a ni.