1128/2023-2024

Aizawl 13th July, 2023 : Vawiin khan Chief Electoral Officer, Pu Madhup Vyas chuan Saitual District in MLA General Election 2023 neih tur a inpuahchahna te a hmunah a enfiah.

Chief Electoral Officer hi Saitual District Election Officer Dr Lalngura Tlau chuan, Saitual DC Conference Hall ah lo dawngsawngin Saitual District in MLA General Election tur a an inpuahchahna te PowerPoint Presentation hmangin a lo hrilhfiah.

Chief Electoral Officer,Pu Madhup Vyas-a chuan Saitual District in Election tura an inpuahchahna te chu lawmawm a tih thu a sawi a, Election felfai taka kalpui a nih theih nan ruahmanna felfai tak neih a tul thu sawiin , mipui ten zangkhai taka vote an thlak theih chu a pawimawh hle a ni, a ti a, vahvelna leh venhimna te uluk taka kalpui anih theih nan theihtawp chhuah turin Saitual District Election Official te chu a hrilh bawk.

Pu Madhup Vyas-a hian Strong Room leh Vote counting na hmun tur te leh Polling Stations te a hmunah a enfiah bawk a, Election atana thil tul leh mamawh an thlen te chu Election Commission in tul leh remchan dan angin an lo bawhzui tur thu a sawi bawk.

Saitual District hian District anih angin MLA General Election a hmachhawn vawikhatna tur a ni a, Saitual District chhungah hian MLA Constituency Pathum, 8 Chalfilh (ST) AC, 9 Tawi (ST) AC leh 21 Lengteng (ST) AC te a awm a ni.

Chief Electoral Officer hi Saitual District Election Officer bakah, Pi Laldinfeli, Election Officer,Saitual leh Official dang ten an lo dawngsawng bawk a ni.