1129/2023-2024

Aizawl, 13.07.2023: Vawiin khan Chief Minister Pu Zoramthanga chu a pisa ah Aizawl Sustainable Urban Transport Project (ASUTP) chungchanga hmalakna leh dinhmun te sawipuiin Mizoram State Planning Board Vice-Chairman Pu H. Rammawi, UDPA officials leh ASUTP consultant Mott Macdonald Private Ltd. mithiam te'n hmu in an inkawm.

Mott Macdonald Pvt. ltd. te chuan kum 2022 January thla atanga ASUTP atana Mizorama hma an lak tan hnua an thlen chin te sawiiin Chief Minister hi an hmalakna an sawipui a. He Project hnuaiah hian Aizawl leh a chhehvel tan Comprehensive Mobility Plan (CMP) chu Project Management Unit (PMU), UD&PA Deptt. kaihhruaiin Project Planning, Design and Management Consultant (PPDMC) – Mott MacDonald Pvt. Ltd. chuan an buatsaih mek a. He CMP hian a tum ber chu tun atanga kum 20 chhung atana Aizawl khawpui than dan mila mipui chetvel leh veivahna awlsamna tura ruahmanna siam a ni. Nimin July ni 12 khan “Workshop to Finalize Scope and Work Plan for Feasibility Studies for Identified Projects” tiin zirhona buatsaih a ni a.

Chief Minister bulah hian project thawh theih tur enchianna feasibility study an neih tawh te an sawipui a. An project zingah hian ropeway/ cable car service te, City Bus Service tihhmasawn leh maxi-cab, bus leh truck tana terminal siam te, Multi-Level Off-street Motor Vehicle Parking (car parking chhawng), khawpui chhunga mipui chet vel awlsamna turin khawpui chhung a lift leh Escalator dah te leh Aizawl tlak lama Aizawl Bypass Road siam thar tur zuk pawh dan turte a tel a ni.

Vawiin meeting-ah hian UD&PA Secretary Pu Lalmalsawma Pachuau, UD&PA Department Pu H. Lianzela leh Mott Macdonald Private Ltd. expert hrang hrangte an tel a ni.