1130/2023-2024

Aizawl, the 13th July 2023: Nimin Dt. 12.7.2023 khan, Pu Robert Romawia Royte, Sports Minister chuan Lawngtlai khawpui leh a chheh vel a, Sports Infrastructure siam mêk te a hmunah kalin a en fiah.

Lawngtlai khawpui daifêm, Mâmpuia Lawngtlai District Sport Complex sak mêk pawh a tlawh a. He sport complex-ah hian Athletic tract, football ground, basketball court, volley ball court, indoor futsal ground, pavillion leh gallery changtlung tak a awm a. Multipurpose hall leh hostel, leh quaters te a awm dâwn a. Rs.5019.43 lakh sênga PMJVK scheme amanga sak a ni.

Sport Minister Robert Romawia Royte hian Lawngtlai, Chawnhu hmuna Multipurpose community centre 236.00 lakh sênga sak bâkah, basketball court & volleyball complex khata awm khâwm chu a tlawh bawk. Nimin vek khan Lawngtlai College Veng a, Residential Sport School Rs. 3461.7 lakh senga sak chu a tlawh bawk a. He project hi 85% vel zawh tawh a ni. Heng hmun hrang hranga Sport Minister-in Lawngtlai khawpuia Sports Infrustructure siam mêk te, a tlawhnaah hian Pu Lawmawma Tochhawng,MLA leh HPC Vice Chairman nibawk, Pu C. Hrangmhianga E.M, L.A.D.C, Pu HC.Lalthawmliana E.M. L.A.D.C, khawtlâng hruaitute leh official ten an mawiãwm a ni.

Vawiin Dt. 13.07.2023 khan Sport Minister Robert Romawia Royte chuan Lunglei Khawpuia Sport Infrustructure siam mêk te, bialtu MLA te leh Lunglei MJA, te nen an tlawh kual leh a ni.

Zobawka Sport School sak lai National Green Tribunal-ina a chawlhlailâwk tirna hmun pawh tlawhin, hna hi 80% vel zawh tawh a ni a. He project hi Rs. 3430.98 lakh-a zawh theih tura ruahman a ni. Lunglawna Community service centre sak mek pawh tlawhin, 60% vel zawh tawh a ni a, Ramthar venga Futsal Semi Indoor Futsal Court pawh tlawhin, 80% vel zawh tawh a ni. 319.78 lakh sênga sak zawh tur a ni.

Rahsi Venga Lungei 4919.31 lakh-a sak mêk te, Leitlangpui Hockey Ground Rs. 1108.7 lakh senna tur hnathawh te, Lunglei Electric Venga Football Ground siam mêk bâkah, Zotlânga Integrated Sport Centre sak mêk te pawh a hmunah kalin an en ho bawk a ni.

Heng bakah hian Sports Minister chuan Lunglei khawpui hian CM duhsakna changin, C.lhuamluaia mualah, zàna inkhelh theihna turin Flood Light dah a ni dawn a. Rs. 700lakhs zet sengin dah tum a ni a, chu bakah Moto Sports Racing Tract pawh Rs. 1800/- lakh sêngin siam tum a ni bawk.

Pu Robert Romawia Royte Sports Minister hi Pu Lawmawma Tochhawng, MLA leh HPC Vice Chairman nibawk, Dr. K. Pachhunga MLA, John Tanpuia, Secretary, MSSC leh mi pawimawh dang ten an tawiawm a ni.