Chief Electoral Officer Pu Ashish Kundra, IAS chuan nimin tlai khan Synod Office tlawhin Synod Moderator Rev. R.Lalhmingthanga leh a thawhpui Synod puipate a kawm.

Chief Electoral Officer chuan synod hotute chu Mizoramin kan hmachhawn mek inthlanpui lo awm turah boruak muanawm leh ralmuang tak hnuaia mipuiten vote an thlak theih nan leh rilru ngaihtuahna fim tak hmanga vote thlak anih theih nan thawhpuiah a sawm a, CEO chuan Mizorama inthlan boruak thianghlim leh ralmuang awm thin nachhan pakhat chu kohhran hruaituten an thlawp that thin avang anih thu a sawi a, Election Commission of India pawhin hei hi a hriatpui thu leh India ram hmun danga inthlan boruak nen a in anloh thin thu sawiin entawntlak a inthlan kalpui thin chu chhawmnung zel turin Kohhran hruaitute, khawtlang hruaitute leh tlawmngai pawl hruaitute nen thawhhona tha tak an neih zel a beisei thu a sawi bawk.

Synod Moderator pawhin ram hruaitu tha thlang tur chuan mipuiten an mawhphurhna an hriatchian a pawimawh thu te, hemi tura a theih chin chin a zirtirna an kalpui thin thu te sawiin an lo tih ve awm thilah chuan tha taka tha lo thawh ve an tum thu a sawi a ni.

Synod Moderator hi Rev. Lianhmingthanga Sailo, Senior Executive Secretary leh Synod hotu pawimawh dang ten an tawiawm a, CEO hi Pu H. Lianzela, Jt. CEO in a tawiawm a ni.