Lok Sabha Inthlanpui neih tur atana Polling Official te tan ngawrh takin Training neihpui mek a ni.

Serchhip District chhung Assembly Constituency pathuma Polling Station 77-a duty tur ten an hnathawh dan tur leh inthlanna thianghlim leh felfai a awm theih nana an tih tur te inhrilhhriatna hun neih mek niin, Presiding Officer (PRO) leh Asst. Presiding Officer (APRO) te nimin ni 19th March, 2019 khan Govt. Higher Secondary School Serchhipah Training thawkhatna hi an nei tawh a ni.

Vawiin khan a tum hnihna atan Little Flower Convent School Serchipah Polling  Officials te tan Training neih chhunzawm niin, Master Traininers: Pu H.  Vanlahruaia, DLAO Serchhip, Pu Ngurthansanga, SDC Serchhip, Pi Lalduhzuali, SO, Serchhip, Pi Pinky Zosangpuii, SDO (C) Thenzawl leh Pi Dorothy Lalmuansangi, BDO, E.Lungdar ten zirtirna pe in, hriattur pawimawh hrang hrang leh inthlanna hmanrua hmandan  leh enkawl dan tur zirtirna an pe a ni.