Vawiin khan Lawngtlaia NIC Video Conference Hall-ah Member of Parliament (Lok Sabha) Inthlanpui 2019-a Lawngtlai District-a MLA constituency pathuma vote thlak nana Electronic Voting Machine (EVM) & Voter Verifiable Paper Audit Trail (VVPAT) hman theih tur chin leh a hmanna tur constituency thliar fel a ni.

He hunah hian Lawngtlai District Election Officer (DEO) Pi Shashanka Ala IAS, Dy DEO Dr Andrew H. Vanlaldika MCS, Election Officer Pu Lalremruata Sailo MCS, DIPRO Pu C. Lalhruaitluanga MIS leh political party hrang hrang ai awhte an tel a. EVM & VVPAT thliar fel nan hian Election Commission of India (ECI) randomisation software hman a ni a. Lawngtlai District-a EVM & VVPAT kawl zawng zawng unit ID chu he software-ah hian dah luh niin, software hian inthlannaa hman tur chin a lo thliar a ni.

Lawngtlai District-a EVM (control unit leh ballot unit) & VVPAT endik sa training-naa hman tur sawmpanga (15) theuh dah hran bak inthlannaa hman theih tura dah CU 220, BU 233 leh VVPAT 230 a awm a. Vawiina randomisation a?ang hian polling station 62 awmna 36-Tuichawng Constituency atan EVM (CU & BU) 83 ve ve (mamawh zat 62 ve ve bakah reserve tur 21) leh VVPAT 87 (mamawh zat 62 bakah reserve tur 25) dah fel a ni a. Polling station 68 awmna 37-Lawngtlai West Constituency atan EVM (CU & BU) 90 ve ve (mamawh zat 68 ve ve bakah reserve tur 22) leh VVPAT 94 (mamawh zat 68 bakah reserve tur 26) dah fel niin, polling station 35 awmna 38-Lawngtlai East Constituency atan EVM (CU & BU) 47 ve ve (mamawh zat 35 ve ve bakah reserve tur 12) leh VVPAT 49 (mamawh zat 35 bakah reserve tur 14) dah fel a ni.

Vawiina tih tak first level randomisation of EVM & VVPAT-ah hian EVM & VVPAT te chu a hmanna tur constituency thliar fel a ni a. Political party ai awhte chu a copy pek nghal vek an ni.