CEO chuan Mizorama Lok Sabha MP thlanna leh Aizawl West-I by-election inthlan tur notification chu Election Commission of India in vawiin hian a tichhuak a, inthlan chuh tum te tan Returning Officer te hnenah nomination a file theih tawh a ni a ti a, Lok Sabha MP election atana Returning Officer hi Aizawl District Bawrhsap Pu Vanlalngaihsaka a ni a, Assembly by-election atana Returning Officer chu Pu H.Lalhmingthanga, Deputy Secretary, SAD niin Assistant Returning Officer atan Pu H.Lalrinpuia, Settlement Officer, Aizawl District ruat a ni.
CEO chuan March ni 25, 2019 thleng nomination file theih ani a ti a, March ni 26 ah endikna neih a ni ang a, March ni 28 thleng inhnuhdawh theih a ni ang. first randomization of EVM hi March ni 20, 2019 ah neih ani ang a, second Randomization of EVM chu March ni 29 ah neih ani ang a, April ni 2, 2019 ah Aizawl, Serchhip, Champhai, Mamit leh Kolasib District a hman tur EVM te tihfel ani ang a, April ni 3, 2019 ah Lunglei, Lawngtlai leh Siaha District a hman tur te tihfel a ni ang.
CEO chuan mimal hnenah licence pekchhuah silai kawltute chu harsatna an tawh loh nan leh sawrkar dan in a phut angin an silai te tung vek turin a ngen a, Election Commission of India in cVigil application a siam chu ngaipawimawh tura ngenna siamin android leh ios phone ah te download theihin siam a ni a, hemi kaltlang hian Model Code of Conduct bawhchhiatna te a thlalak leh a hmun thlengin awlsam takin complain a thehluh theih a ni a ti a, tin dinhmunah chuan Model Code of Conduct bawhchhiatna report an la dawn loh thu a sawi bawk. Hei bakah hian website thar ceo.mizoram.gov.in siam a ni a, hetah hian electoral roll thar ber a en theih bakah inthlanpui kaihhnawih thil pawimawh tak tak en theihin a awm ani a ti.
Election Commission of India atanga thupek an hmuh angin Bru voters Transit Camp a awm te tan Kanhmunah polling station 15 siam a ni a ti a, heng zinga polling station 9 hi Mamit District a vote nei ho tan ruahman a ni a, Kolasib leh Lunglei District a vote nei te tan polling station pathum ve ve ruahman anih thu a sawi bawk.
Chief Electoral Officer chuan inthlan felfai leh hlawhtling neih anih theih nan mipuite a tam thei ang ber vote thlak tura ke pen chhuak turin a ngen a, tlawmngai pawl hrang hrang leh khawtlang hruaitute pawh inthlan felfai leh thianghlim neih anih theih nan an tawiawmna a ngen nghal bawk a ni.
Chief Electoral Officer chuan inthlan felfai leh hlawhtling neih anih theih nan mipuite a tam thei ang ber vote thlak tura ke pen chhuak turin a ngen a, tlawmngai pawl hrang hrang leh khawtlang hruaitute pawh inthlan felfai leh thianghlim neih anih theih nan an tawiawmna a ngen nghal bawk a ni.
Attachment
- Loading attachment...
