2650/2023-2024

Aizawl, the 4^th November, 2023: General Election to Mizoram Legislative Assembly, 2023 atana inpuahchahna kalpui dan chungchangah Chief Electoral Officer (CEO) Pu Madhup Vyas, IAS chuan vawiin chawhma dar 11 khan District Election Officer (DEO) te, RO teleh Critical Polling Station leh P-2 a duty tur Sector Officer-teVideo Conference kaltlangin meeting a neihpui a; hmalak tawh dan leh ruahmanna an neih dan te a sawipui.

CEO Mizoram Pu Madhup Vyas chuan vote thlak hma inpuahchahna hnuhnung thir hona huna tel zawng zawngte chu inthlanna felfai, dik leh muanawm tak neih a nih theih nana theih tawp chhuah zel turin a chah a. Inthlan hmasak lam aia vote tlazat a tam zawk nan abik takin Critical Polling Station leh Vulnerable Polling Station-ah te tan lakzual a tulthu a sawi a. Complaint a awmloh nan leh vote thlak nawn (re-poll) a awmloh nan engti kawngzawng pawha fimkhur a tul thu sawiin, inthlan duty turte'n EVM khawl chanchin leh hman dan an thiam bel theih nan training neih bak awmte pawh tha taka hlenchhuah tum turin a chah a. Poll Day report a hun taka pe chhuaktheitura tan la turachahin, duhsakna a hlan nghal bawk.

He hun atarlan a nih danin District hranghrangah Voter’s Information Slip sem zawh tawh a ni a. Home voting zawh fel thawkhat niin Facilitation Centre-ah Postal Ballot Paper hmanga vote thlak mek zel a ni a. District hranghrangah EVM Randomisation leh Commissioning kalpui chhoh mek zel a nibawk a, EVM indaihlohna report a awm lo a ni. Polling Station 60% ah webcasting ruahmanna peih fel a nih tawh thute tarlan a ni a. Heng bakah hian vote thlak huna duty turte veivah na tur, an chet chhuahna leh vote thlak zo duty rawn let lehte lo dawnsawn dan tur bakah vote thlaknia report pek zung zung dan turte, Micro-observer chungchangte, scrutiny neih dan turte bakah vote chhiar huna ruahmanna siamte leh tul dangte thlirho a ni.

Vawiin meeting-ah hian CEO Office atangin Addl. CEO-I Pu H.Lianzela, Addl. CEO-II Pu Amol Srivastava, Jt. CEO Pu James Lalnunmawia, Dy. CEO-I Pu R.Vanrengpuia leh Dy. CEO-II Pu Henry C.Lalrawnkimate an tel ani.