2651/2023-2024

Khawzawl, 5th November 2023: Vawiin khan Khawzawl District Administration hnuaia Assembly Constituency awmchhun 22-Tuichang biala Polling Station 28 a inthlan kaihhruaitu tur Polling Officials te pualin Govt. Khawzawl High School, Zuchhipah training hnuhnung ber neih a ni a. Postal Ballot hmangin vote an thlak nghal bawk a ni.

He hunah hian He hunah hian State Level Master Trainer Pi V. Lalmuanpuii( Project Director, DRDO), Pi Lalhruaitluangi (SDO Sadar), Pu Lalthakima Chhangte( BDO Khawzawl) te bakah District Level Master Trainer Pu Elijah LH Sanga (SDC), Dr Lalliantluanga Ralte leh Pi PC Lalhmingtluangi ( Asst Professor, Govt. Khawzawl College) te chuan kalkhawmte hi zirtirna an pe a. Inthlannia Form hrang hrang ziah dan te, EVM / VVPAT hman dan te, Poll Star App hman dan te, GPS hmanga EVM awmna hriattheihna tur E-Atlast hman dan te zirho a ni bakah training hnuhnung ber anih angin hriatthiam loh zawhfiahna hun (doubt clearing session) hman a ni bawk.

Vawiinah hian Postal Ballot Vote 136 a tla a - 22-Tuichang (ST) huamchhung ami vote 87 tlain, Tuichang bial pawn lam vote 49 a tla a ni. He ti hian Khawzawl Facilitation Center-ah Postal Ballot vote 425 a tla tawh a, heng zingah hian Tuichang bial vote 250 awmin, Tuichang bial pawn vote 175 a awm thung. Kum upa leh vohbik te puala Home Voting kalpuiah vote 111 a tla a, Tuichang bialah hian (Home Voting + Postal Ballot) vote 361 a tla tawh a ni.