2652/2023-2024

Khawzawl, 4th November 2023: Khawzawl DC Pu K.Lalrohlua chuan a hnuai mi ang hian hriattirna a chhuah.

Commissioner of Excise & Narcotics lehkha No.C.31030/1/2019-COMEX in a tarlan angin ni 5.11.2023 (Chawlhni) tlai dar 4 atanga ni 7.11.2023 (Thawhlehni) tlai dar 4 (Poll Day) thleng leh ni 3.12.2023 (Chawlhni) (Counting Day) atanga vote chhiar zawh hma thleng hi Dry Day atan puan a ni.

Heng ni-ah te hian Mizoram Liquor (Prohibition) Rules, 2022 khauh lehzuala kenkawh tur a ni a, hemi hun chhung hian 22-Tuichang (ST) AC area a lirthei lut leh chhuak zawng zawng uluk taka check tur a ni ang. Heng hunah te hian zu leh a kaihhnawih thil lakah mitinte fihlim tura ngen leh hriattir kan ni a. Mizoram Liquor (Prohibition) Rules, 2022 dan bawhchhia man kan awm a nih chuan dan anga hma lak nghal zel a ni ang.