Mizoram Chief Electoral Officer (CEO) Pu Ashish Kundra, IAS chuan vawiin khan Kolasib tlawhin, Member of Parliament (Lok Sabha) Inthlanpui 2019 atana Kolasib District inbuatsaihna leh inpuahchana te a zirchiang.

CEO hi Joint CEO Pu H. Lianzela, MCS leh Deputy CEO Pu CC Lalchhuangkima MCS te’n lo tawiawmin, Kolasib District Election Officer Pu Zoengsanga, SP Pu Vanlalfaka Ralte, election official-te leh nodal officer-te an kalkhawm a ni. DEO Pu Zoengsanga chuan  Kolasib District Election inpuahchahna tlangpui tarlanna hun a hmang a, CEO Office lam atanga rawn kal Official ten zawhna hun an hmang bawk a ni. Report in a tarlan dan in Kolasib District a inthlan buaipui tur Polling Personnel 340 vel ruat an ni a, training hi vawi 2 neih tawh niin naktuk hian Diakkawn YMA Hall ah neih leh tur ani a, April ni 9 ah training hnuhnung ber neih a ni ang. Inthlan buaipui tur zing atang hian a vawi khatna na atana ruat mi 50 vel an awm a, kum kalta MLA inthlanpui ah khan vote za zelah 86 vel a tla ni a tarlan bawk a ni.

CEO chuan inthlanna muanawm leh felfai a awm theihnan Official zawng zawngte chu mahni hmazawn theuah rinawm leh taima taka thawk turin a chah a a tul dana zirin khawtlang hruaitute nena thawkho zel turin a chah bawk a ni.