Mizoram Chief Electoral Officer (CEO) Pu Ashish Kundra, IAS chuan vawiin khan   Member of Parliament (Lok Sabha) Inthlanpui 2019 atana Champhai  District inbuatsaihna leh hmalakna te a rawn enfiah.

Mizoram CEO hian Champhai District Election Official-te DC Conference Hall-ah kawmin inthlanna muanawm leh felfai neih anih theihna tura hmalak tawhna hrang hrang leh hmachhawpte a sawipui a. Nodal Officer hrang hrangten an hmalakna an sawifiah a, District Election Officer Dr Naveen Aggarwal, IAS-in District hmalakna te Powerpoint Presentation hmangin a pe  a, pianphunga rualbanloten Vote an thlak theihna turin kalna tur Lirthei pek an nih tur thu leh Polling Station 137 te rang taka biakpawh anih a inthlan report pek zung zungna tur Pollstar pawh tha taka ruahman anih thu a tarlang a, Critical Polling  Station awm loh thu leh inpuahchahna tluang taka kalpui anih thu a tarlang bawk.

Chief Electoral Officer Pu Ashish Kundra hi Joint CEO Pu H. Lianzela, MCS leh Deputy CEO Pu CC Lalchhuangkima MCS te'n an rawn tawiawm a. Vawiin Meeting-ah hian Pu Bidol Tayeng, IAS General Observer, Dr Naveen Aggarwal, DEO Champhai, Pu Lalthiamsanga Sailo, SP Champhai, District election official-te leh nodal officer-te an tel a ni.