Nimin khan Pu Liansangzuala, Chief Judicial Magistrate, Lawngtlai chuan Lawngtlai DC Office tualah kumin January atanga ruihhlo case chinfel tawh an kawlte an halral. Ruihhlo halral hi Parvon Spas Capsule 5000, Proxyvon-60 leh Ganja 300 gram niin, tualchhunga hralhchhuahna ang chuan Rs.2,53,700/- man hu vela chhut a ni.

Halralna hun DC Office tuala buatsaihah hian CJM Pu Liansangzualachuan ruihhlo do kawngah Lawngtlai District mipuite tanpuina a ngen a, kan tanrualna avangin kan tu leh fate chenna tlakah kan ram kan siam thei a ni a ti. Ruihhlo man mai piah lamah ruihhlo zuarte thiamlohchantir an ni em tih ngaihven fo a tul a ni a ti bawk.