NLUP kalpui meka Kolasib khaw chhunga hnathawhte vawiin khan Pu David L.Thangliana, Chief Media Officer, NIB Media Cell chuan a hmunah a kan kual a. NLUP chu a nih ang ngeia dinchhuahpuina atana hmang ngei tura a duh thu heng a tlawh NLUP beneficiary te hi a hrilh a ni. Sawrkarin sum tamtak sengin eizawnna ngelnghet an neih theih nan hian a thlawn liau liauvin a pui a. Hei hi kan dinchhuahpui theilo a nih chuan keimahni hi a tuartu tur chu kan ni, tiin tang fat fat turin a fuih hlawm a ni.

Vawiina NLUP dawngtu Chief Media Officer-in a tlawh kual zinga TZ Nursery, Kolasib Hmar venga Pu Malsawma huanah hian Horticulture Department hnuaiah serthlum kui tiah leh budding te uar taka tih a niin hei hi nakina NLUP dawngtu Horticulture Department hnuaia trade thlangtu ten anla chin tur buatsaihna hmun a ni a. Beneficiary an tlawh zingah Bawng vulhtu Laldingngheta, Vengthar te, Vawk vulhtu Lalduhawma, New Diakkawn leh Ar vulhtu Zothansangi, Vengthar te an tel a ni.

Pu David L.Thangliana hi Pu Lalramliana Chawngte, PIO to Chief Minister, Pi Ngurthankhumi, Technician-I ten an tawiawm a, Kolasib atangin Pu Lianluaia, ADHO leh Dr.C. Sangnghina, Vety Officer ten an tawiawm bawk a ni.