Vawiin chawhma dar 10:30 khan Minister Pu PC Lalthanliana chuan EDU-OPT 2013 Organised by Lynchpin, Guwahati & Zalen News Paper, chu Aizawl Club Ground Flour ah a hawng.
Pu Lalthanliana chuan thu sawiin Zalen News Paper leh Lynchpin Guwahati ten zirlaite hmakhua, an nakin hun tur ruahmanna fel siam sak tur a; an hmalakna chu an fakawm thlawt in mi tam tak tana hlawhtlinna rahbi tuk sak tu an ni, a ti.
Minister chuan hriatlohna leh hriatchianlohna avangin, hmakhawthlir siam dik lova; tisual tamtak an awm thin a, heng ang zirlai tamtak a ngaihna hre lem lo te tan a malsawmna kum 8 lai lo thlen thin tawh tu leh vawiinni a changtlung zawk leh belhchian dawl tak a buatsaihtu - a ngaihna hria, Zalen Editor Pu Vanlalrema Vantawl leh Lynchpin Career Exhibition Experts - te hi zirlaiten fak nachang leh an chunga lawmthu sawina chang an hre tur ni a a hriat thu a sawi.
Duhthlanna dik hi hlawhtlinna bul a ni a, kawngdik zawh hian hlawhtlinna tlang a hruai thleng thin a ni tiin, chutianga duhthlanna dik leh kawngdik zawh thei tur a vanneihna kan ban phak mai a chhawp hnaih a nih lai hian zirlai leh nu leh pa a tam thei ang berin hmang tangkai a tlawh theuh turin a duh thu Minister chuan a sawi bawk.
He EDU-OPT a Institution lo kal zawng zawng te hi Affilliated Institution vek an ni a, en chuang duh leh fiah duh te tan zawh buai ngai lovin an Certificate hi Exhibition Area-ah tar chhuah vek a ni bawk a ni.
