Chief Minister chenna Bangla leh a chhehvel a lo ralmuan zawk nan, nimin khan Aizawl District Sub-Divisional Magistrate chuan heng lai hmuna puipun khapna thupek a chhuah a. He thupek hian, a hun tiam thlen hma sut a nih loh chuan,  thupek chhuah ni atanga chhiara thla 2(hnih) chhung a awh dawn a. He thupek hian Police Duty, Sawrkar programme/function buatsaih, Biakina inkhawm  tura veivak, Naupang sikul kal tur leh zirlai college class kal tur te a huam lo ang.

Thupek a tarlan ang chuan McDonald Hill, Zarkawt huam chhung, Zarkawt Traffict Point atanga kawngpui chho zawh zela Hrangbana College leh Chief Minister Office chhevelah  mi 5(panga) leh a aia tam pun khawm a khap a. He thupek hian lungawilohna lantirna kawng hrang hrang lam hawia puipun hrim hrim pawh a khap tel bawk a ni.