Mizoram tana thil pawimawh tia New Delhi a ni engemaw zah a cham hnuin leh JNNURM hnuaia Mizoram state in ti tha ber lawmman Central sorkar in a thlan a dawn hnuin vawiin khan dam takin Chief Minister Pu Lal Thanhawla chuan Aizawl a lo thleng leh ta. A rual hian UD & PA Minister Pu Zodintluanga pawh dam takin a lo thleng bawk a ni.

Chief Minister leh UD & PA Minister te hi Lengpui Airport ah mi pawimawh Pu Ngunlianchunga Minister of State for AH & Vety; Pu K. Lalrinthanga, Parliamentary Secretary leh party mi pawimawh tak tak ten lo hmuakin lawmpuina leh zahna lan tir nan pangpar an lo hlan a ni.