Kar khat chhung Mizoram pawn lama a thang hnuin Chief Minister Pu Lal Thanhawla chu vawiin khan dam takin Aizawl alo thleng leh ta. A zin chhung zawng leh alo haw thleng hian a nupui Pi Lal Riliani leh Principal Adviser to Govt of Mizoram Pu T.P.Khaund ten an tawiawm a ni.

 

 

 

 

Tarlan tawh angin, Prime Minister Dr.Manmohan Singh sawmna in New Delhi ah Bangladesh Prime Minister Sheikh Hasina puala zanriah Dr. Manmohan Singha’n a buatsaihah telin, Bangladesh official te nen border trade chungchangah inkawmna hun tha tak an nei zui a. Sheikh Hasina leh a official te chuan Mizoram chu an ngaihven hle a, insumdawn tawnna chungchangah pawh theihtawp kan chhuah ang an ti a ni.

C hief Minister hian Manila ah Asian Development Bank bultuma conference neiah, sawm anih angin a tel bawk a. ADB hian Mizorama Tuivai Hydel Project 210 MW pechhuak thei tur siamna tura central sorkarin a senso 25% tum ve tura min tih mahse kan theih dawn loh avanga ADB a kan dilna chu Union Ministry of Finance kal;tlanga min tum sak an tum thu cnferenceah hian Chief Minister hi an lo hrilh bawk a ni.

Chief Minister te nupa hi Wing Cdr (Rtd) Lalzawma, Principal Consultant, Civil Aviation, Govt of Mizoram in Lengpui Airportah alo hmuak a ni.