November 13 chawhma lama Bungthuam khawdaia Tv. Zarzokima mi tu tih hriat loh ten an kahhlum avanga Mizoram khawthlang lama thil duhawm lo hrang hrang a chhuah zui avangin Mizoram sorkar chuan theih tawpin hmaa la zui nghal a.
Nimin chawhnu dar 3 khan Mizoram Chief Minister chuan a thawhpui Council of Ministers awm remchangte chu a chenna in ah ko khawmin thil awmdan a sawipui a. Hetiang thil thleng a hmuna enfiah turin leh a tul anga hmala turin ruahmanna an siam nghal a ni. An rel angin Cabinet Minister 3 te chuan tukin zing khan khawthlang lam an pan nghal a. Revenue Minister Pu J.H. Rothuama chu West Phaileng, Damparengpui leh Salem Boarding tlawh turin a kal a. FCS&CA Minister Pu H. Rohlunan Hriphaw leh a chhehvel khua a thil awm dan a thlithlai ang. Pu Lalrinliana Sailo, Health Minister chu Kanhmun, Bungthuam leh Bajirampur tlawh turin a chhuak bawk a, a ni hian Bungthuama Tv. Zarzokima chhungte hnenah Mizoram sorkar-in a ralna tangkafai Rs. 1,00,000/-(cheng nuai khat) a hlan nghal ang.
Assembly Speaker Pu R. Romawia pawhin Zampui tlangdunga Mizo chhungkaw engemaw zat awmte dinhmun ngaichang tur leh thil awm dan a hmuna chian turin Zampui tlangdung naktuk November 17 hian a pan ang a. Mamit Bialtu Pu John Rotluangliana, Dy. Speaker pawhin a bial fang turin naktuk vek hian Aizawl a chhuahsan ang.
Nimin Pathianni chawhnu dar 3 vek khan Mizoram Chief secretary Pu Vanhela Pachuau chuan a chenna inah Mizoram sorkar officer pawimawh te, Kohhran hruaitu leh tlawmngai pawl hrang hrang aiawhte ko khawmin boruak thleng thar chungchang an thlir ho a. Tualthahna kaihhnawih avanga Bru chhungkaw engemaw zat te chhawmdawl nan State Level Co-ordination Committee an din nghal a. He Committee hi DM&R Secretary Pu Nghaklianmawian a kaihruai ang a. DM&R Director Pu V. Sapchhunga, FCS&CA Director Pu Lallungmuana leh AIG II Pu Neihchungnunga ten a tawiawm dawn a ni. He Committee hi chhawmdawlna thil pek leh tangkafai dawng tura ruat nghal niin heng thawhlawmte hi New Capital Complex-a Secretariat Building kawtah lakkhawmna buatsaih nghal a ni.
Hemi chungchanga thuhriat belh duh chuan an Phone No. tarlanah hian biak rawn theih an ni.
Pu Nghaklianmawia - 2325291 (O) 2323575 (R) 9436140449 (M)
Pu V. Sapchhunaga - 2345943 (O) 2322732 (R) 9436141348 (M)
Pu Lallungmuana - 2322872 (O)
Pu Neihchungnunga - 2335340 (O)
Hemi hma Inrinni dar 3 khan Chief Secretary, Home Commissioner, DGP, Home Deptt. mipawimawh te leh Police Officer te an lo thukhawm tawh a. Khawthlang lama boruak duhawm lo laka pawikhawihna veng turin Police tam tawk tirh dan an rel a. 4th BN IR Hqrs. Thenzawl atangin Police mi 250 tirh nghal an ni a. A tul dan a zira tirhbelh zel dan tur pawh ruahman nghal a ni a. A hmuna thil awm dan enfel pui turin DIG Pu L. Hrangnawn chuan Mamit a pan nghal bawk.
Hetiang misual thil tih avanga pawisawilo mi tam takin an tawrh avang hian Mizoram sorkar chuan pawi a ti tak zet a. Boruak ti punlun zawnga tumah che lo turin leh chi leh chi inkara boruak tha lo siam zui lo turin mi zawng zawng a ngen. Thuthang hrang hrang avanga mipui chiai lo turin leh thudik erawh chu sorkar atanga hriat tum turin a ngen nghal bawk.
Assembly Speaker Pu R. Romawia pawhin Zampui tlangdunga Mizo chhungkaw engemaw zat awmte dinhmun ngaichang tur leh thil awm dan a hmuna chian turin Zampui tlangdung naktuk November 17 hian a pan ang a. Mamit Bialtu Pu John Rotluangliana, Dy. Speaker pawhin a bial fang turin naktuk vek hian Aizawl a chhuahsan ang.
Nimin Pathianni chawhnu dar 3 vek khan Mizoram Chief secretary Pu Vanhela Pachuau chuan a chenna inah Mizoram sorkar officer pawimawh te, Kohhran hruaitu leh tlawmngai pawl hrang hrang aiawhte ko khawmin boruak thleng thar chungchang an thlir ho a. Tualthahna kaihhnawih avanga Bru chhungkaw engemaw zat te chhawmdawl nan State Level Co-ordination Committee an din nghal a. He Committee hi DM&R Secretary Pu Nghaklianmawian a kaihruai ang a. DM&R Director Pu V. Sapchhunga, FCS&CA Director Pu Lallungmuana leh AIG II Pu Neihchungnunga ten a tawiawm dawn a ni. He Committee hi chhawmdawlna thil pek leh tangkafai dawng tura ruat nghal niin heng thawhlawmte hi New Capital Complex-a Secretariat Building kawtah lakkhawmna buatsaih nghal a ni.
Hemi chungchanga thuhriat belh duh chuan an Phone No. tarlanah hian biak rawn theih an ni.
Pu Nghaklianmawia - 2325291 (O) 2323575 (R) 9436140449 (M)
Pu V. Sapchhunaga - 2345943 (O) 2322732 (R) 9436141348 (M)
Pu Lallungmuana - 2322872 (O)
Pu Neihchungnunga - 2335340 (O)
Hemi hma Inrinni dar 3 khan Chief Secretary, Home Commissioner, DGP, Home Deptt. mipawimawh te leh Police Officer te an lo thukhawm tawh a. Khawthlang lama boruak duhawm lo laka pawikhawihna veng turin Police tam tawk tirh dan an rel a. 4th BN IR Hqrs. Thenzawl atangin Police mi 250 tirh nghal an ni a. A tul dan a zira tirhbelh zel dan tur pawh ruahman nghal a ni a. A hmuna thil awm dan enfel pui turin DIG Pu L. Hrangnawn chuan Mamit a pan nghal bawk.
Hetiang misual thil tih avanga pawisawilo mi tam takin an tawrh avang hian Mizoram sorkar chuan pawi a ti tak zet a. Boruak ti punlun zawnga tumah che lo turin leh chi leh chi inkara boruak tha lo siam zui lo turin mi zawng zawng a ngen. Thuthang hrang hrang avanga mipui chiai lo turin leh thudik erawh chu sorkar atanga hriat tum turin a ngen nghal bawk.
