Pu Lalrinmawia Ralte, Parliamentary Secretary, Home, Prison, DCA & RD chuan 11-14th November, 2009 chhung khan a bial chhung khaw hrang hrang a fang a, 11.11.2009 khan Kawrthah Forest Conference Hall-ah Forest Documentary Film a tlangzarh a. He hun Pu Lalengliana, DFO Kawrthah, kaihhruaiah hian khuallian Pu Lalrinmawia chuan thu sawiin sawrkar hmalakna leh hmachhawp hrang hrangte a sawi a, mipuite nghahhlelh em em NLUP chu Mizoram sawrkar chuan a sem ngei dawn a, a dawng tur ngei ten an dawn dan tur thu te a thawh khatna a dawng a dawng hman lo te pawh in an dawn vek tur thu a sawi a, a dawng tur mipui ten dawng tlak kan ni em tih inzir chian hmasak a pawimawh hle a ni a ti. 12.11.2009 ah Zawlnuam Agriculture Demonstration Farm a hmun ngei a tlawh in a tak ngeiin khuallian hian buh lak theih tawh chu a hawn nan a la chhin a ni, Bialtu MLA Pu Lalrinmawia Ralte hi a bial mipuiten khawtin ah an lo lawm hle a ni. Bial mipui ten an harsatna hrang hrang te an lo thlen a ni.
13.11.2009 Hriphaw khua a Programme a neih laiin a fan tawh khua Bungthuam ah Tv. Zarzokima, 17 yrs. S/o. Lalngilneiha, Bru Revolutionary Union nia insawi ten an kahhlum thu hriat a ni a, he thu a hriat veleh hian a tour Programme awm zawng zawng te cancelled in Hriphaw atangin Bungthuam khua hi a pan thla nghal a, Tv. Zarzokima an kahhlumna chu a hmunah ngei en nghal in ni 14.11.2009 a vuina huna thu sawiin Pu Lalrinmawia chuan pawi khawihtute a dem thu leh thilsual titute zawng chhuak a an phu tawk hremna pe ngei turin sarwkar chu a in ring nghal a ni, a ti a. Chiattawk chhungte hi Bialtu MLA Pu Rinmawia hian a thlamuan a, ral nghal in buhfai leh thil dang ten a tanpui nghal a ni.
Khuallian Pu Lalrinmawia Ralte hi Pu Lalbiakthanga ACF, Northern Circle, Aizawl, Pu C.Lalpeksanga, Project Director, DRDA, Mamit te leh Officers engemaw zat in an tawiawm a ni.
Khuallian Pu Lalrinmawia Ralte hi Pu Lalbiakthanga ACF, Northern Circle, Aizawl, Pu C.Lalpeksanga, Project Director, DRDA, Mamit te leh Officers engemaw zat in an tawiawm a ni.
