Chief Minister Pu Lal Thanhawla chu, a hriselna enfiah (medical checkup) tura Kolkata ah ni 9 (ni kua) a thang hnuin vawiin khan dam takin Aizawl a lo haw leh ta. Pu Lal Thanhawla hi a nupui Pi Lal Riliani'n a tawiawm a, Lengpui Airport ah chhun dar 12:25 khan lo tumin Minister Pu P.C.Zoram Sangliana leh Minister of State Pu P.C.Lalthanliana te bakah Parliamentary Secretary Pu S.Laldingliana, Government Deputy Chief Whip Pu R.L.Pianmawia, Mizoram Law Commission Chairman Pu R.Lalrinawma, MLA, MKVIB Chairman Pu K.Lianzuala, MLA,  ZIDCO Chairman Vanlalrobiaka, MLA, Civil Aviation Principal Consultant Wing Comdr Lalzawmliana, MADC CEM Pu S.Khipo leh Party hruaitu ten an lo hmuak a ni.