522/2023-2024

Aizawl, 22.05.2023: Manipur a Zohnahthlak harsatna tawkte a tul anga puihna tur vawiin khan Hope for Tomorrow, Indianapolis, USA leh Pu Dawthnin Thang te chhungkua chuan cheng nuai thum (Rs. 3,00,000) pe in Chief Minister Pu Zoramthanga hnenah a pisa ah an hlan.

Chief Minister chuan phal taka Zohnahthlak unaute pui tura an inhuamna chu fakawm tiin lawmthu a hrilh a. Tanpuina petute chuan Myanmar buai avanga Mizorama sahimna zawngte tan hma an lak mek dan leh, tunah hian Champhai ah raltlan naupangte tan primary school din tura hmala a Mizoram rawn kal an nih thu Chief Minister chu an hrilh a. Chutih mek laia thenawm state a buaina chhuak avanga harsatna tawkte chu kawng engemaw tala puih tul nia an hriat avangin an theih ang ang thawhhova tanpuina hi hlan a nih tak thu an sawi.

Hope for Tomorrow hi USA a Chin community te hmasawnna leh puihna tura non-profit organization din a ni.