No.2574/2021-2022
Aizawl 12.10.2021: National Highways and Infrastructure Development Corporation Ltd. chuan Mizoram sawrkar hnenah Ambulance paruk an pe. Chief Minister Pu Zoramthanga hnenah NHIDCL Executive Director chuan a hlan a ni.

Heng ambulance te hi hman nghal theih tura thuam sa vek niin, Principal Director, Health & Family Welfare Department hnenah a tul anga hman turin hlan chhawn nghal a ni.

NHIDCL hian tunah hian Mizoramah kawngpui siam hna an thawk mek a. Ambulance hlanna neih zawh hian Chief Minister ho hian meeting neih chhunzawm nghal a ni a. Mimbung atanga Parva-II thleng, khawchha ramri hrula kawngpui siam tura ruahman initial survey an neih chu thlir ho a ni.

Meeting-ah hian Adviser to Chief Minister (Technical) Er. K. Lalsawmvela, Addl. Chief Secretary Pu J.C. Ramthanga, Engineer-in-Chief Er. Lalmuankima Henry, Chief Engineer Er. Bowman leh NHIDCL hotute an tel a ni.