Vawiin chawhnu khan Inner Line Reserve Forest (ILRF) chhunga Mizoram leh Assam inrina felfai tawklo leh innekna awm dante thlithlai a enfiahtu Joint Verification Team-a Mizoram aiawh a kal te chuan Chief Minister Pu Lal Thanhawla leh Home Minister Pu R. Lalzirliana hovin CM's Cabinet Meeting Room-ah meeting an nei a ni.
Joint Survey neih hma hian Assam leh Mizoram aiawhte chuan 9/4/2018 khan Dholai ah hmalak ho dan tur an sawiho in,  survey neihna hmun tur te sawiho hmasak a ni a; 12/4/2018 khan Zophai ah tanin Joint Survey hi neih tan a ni. Silchar Airport ah 21/4/2018 khan  Pu Satyendra Garg, Joint Secretary (NE), MoHA hovin team pahnihte hian meeting nei lehin, survey neih chhunzawm zel dan tur sawiho leh niin, hmalak zawm theih dan tur option chhawpchhuah te chu Mizoram Home Department-in pawm awm a tih leh tih loh ngaihtuah leh tur a tih a ni.
Vawiin meeting-ah hian state pahnih inrina hi chipchiar leh zuala zirchiang turin Core Committee din niin, he core committee hian a tih tur bawhzui nghal a, a hma thei ang bera report thehlut se tia rel a ni.
Meeting-ah hian Pu Lalram Thanga, Principal Secretary to CM & PCCF, Pu Lalnunmawia Chuaungo, Principal Secretary, Home Deptt., Pu Lalbiakzama, Addl. Secretary, Home Deptt. leh Joint Survey Mizoram Team atangin an leader Pu Lalthlamuana Pachuau, CO(CC), Pu Lalnunzira, DFO Kolasib leh MZP President Pu L. Ramdinliana Renthlei leh Vice President Pu B. Vanlaltana te an tel a ni.
Joint Survey ah hian Mizoram Team-ah Conservator of Forests, Central Circle chu leader niin, Commanding Officer IR Battalion; DFO Kolasib; ASO Kolasib; SDO (C) Bairabi; President MZP (emaw a aiawh); Jt. VC President Bairabi leh Jt. VC President Vairengte te chu member an ni a. Enfiahnaah hian Home Department aiawh an tel bawk a ni.

Attachment

  • Loading attachment...