3041/2022-2023

Aizawl, 14.12.2022: Chief Minister Pu Zoramthanga hovin tukin zing khan Muanna Veng kudam - Food, Civil Supplies & Consumer Affairs (FCS&CA) godown sawnna tur remchang tura Sairang a department in a short list hmun pali te chu a enfiah a ni.

Sawrkar lehkha No.D.11022/1/2022-FCS&CA dated 09.05.2022 angin, PDC, Muanna Veng a mi sawnna tur hmun atan mi 11 in ram an neih thu thehlutin, hengte hi a hmuna enfiah hnuah ram pali (4) chu en nawn deuh bik (shortlisted) an ni a. Chief Minister ho in heng ramte hi vawiinah a hmunah enfiah a ni.

FCS&CA kudam hmunhma ah hian buhfai quintal 30,000 dawng thei kudam mai bakah a kaihhnawih ruhrel hrang hrang - staff quarter leh turning & parking area leh adangte a tel thei tur a ni.

Chief Minister hian Sairang a FCI kudam sak mek chu a tlawh bawk a. Hei hi rel lu lo lut tur atanga awlsam tê a dahkhawmna tur niin, quintal nuai khat dawng tura ruahman ni.

Tukin hian Chief Minister hi FCS&CA Minister Pu K. Lalrinliana, Secretary Pi Ramdinliani, Director Dr. Andrew H. Vanlaldika leh official dang te'n an tawiawm a ni.