Vawiin khan Mizoram State Health Care Society Governing Body chu an Chairman Chief Minister Pu Zoramthanga hovin CM Cabinet Meeting room-ah an thukhawm. He meeting-ah hian Co-Chairman Health Minister Dr. R. Lalthangliana, Health & Family Welfare Committee Vice Chairman MLA Dr. Z.R. Thiamsanga leh MSHCS member dangten Mizoram Health Care Scheme tha zawka siam a kalpui dan tur chik takin an zirho a ni.

He meeting-ah hian Mizorama damlo inenkawlna sawrkarin a tum sak chu mipui tan awlsam zawka banphak tura chhawpchhuah a nih theih nana hmalakna tur duan chhin chu uluk taka zirho a ni a. Sawrkar laipuiin damlo inenkawlna puihna tura siam AB-PMJAY chu tuna kalpui mek danah chhawr tangkai thei an tamloh avangin health care scheme huamzau zawka natna pawm tuam kim zawk kalpui dan tur ngaihtuah ho a ni a. Beneficiary te in register dan tur te sawiho a ni bawk

Vawiin meeting-ah hian Health & Family Welfare Committee Vice Chairman MLA Dr. Z.R. Thiamsanga chu Mizoram State Health Care Society Co-Chairman ah dah ni se tia rel a ni.