No.2657/2021-2022
Aizawl, the 20th October 2021: Zoram Medical College Governing Council chu vawiin khan ZMC inrelbawlna chungchanga ngaihtuah tur pawimawh te sawiho in Chief Minister Pu Zoramthanga hovin CM Conference Hall-ah an thukhawm.

He meeting-ah hian Medical Council of India atanga renewal permission hmu leh tura post fill up ngai te chu chhawp chhuakin, heng post hrang hrang, a vaiin 32 te hi fill up turin Governing Council chuan phalna a pe a. Heng bakah hian post pawimawh tak tak ex-post facto approval pek ngai te chu phalna pek a ni bawk.

Meeting-ah hian Mizorama damlo inenkawlna tha nei tur chuan doctor thiamna thuk tak leh anmahni pui tur hmanrua tha a pawimawh thu leh, hemi atan hian ZMC a zirna quality tha neih a pawimawh thu sawi a ni a. Sawrkar laipuiah pawh a tul anga hmalak zui zel ni se tih a ni.

Dy. Chief Minister Pu Tawnluia, Health & Family Welfare Minister Dr. R. Lalthangliana, Health & Family Welfare Board Vice-Chairman Dr. Z.R Thiamsanga, Aizawl South-III bialtu MLA Dr. F. Lalnunmawia, Chief Secretary Pu Lalnunmawia Chuaungo, Addl. Chief Secretary Pu J.C. Ramthanga, Finance Commissioner Pu Vanlalchhuanga, Health Secretary Pu R. Lalramnghaka, ZMC Director Dr. John Zohmingthanga leh member dangte an tel a ni.