Chief Minister Pu Lal Thanhawla kaihhruaina hnuaiah vawiin khan Council of Ministers chuan Chief Secretary Conference Room-ah meeting an nei a, zan dar 8 pelh thleng an thukhawm a ni.
Cabinet Meeting-ah hian sawiho tur ziaka agenda 30 chhawpchhuah a ni a, ziahlan loh engemawzah sawiho bawk a ni. Meeting-a Council of Minister ten an sawiho hnua an remtih leh an pawm te chu : The Mizoram Motor Vehicles (Taxation) Act, 1996 clause 2 of para 9 siam that rawtna te, Village Council member-te lawmman tihpun rawtna te, Trade & Commerce Department-a Assistant Engineer post khat leh Junior /engineer post khat siam rawtna te, Soil & Water Conservation department hnuaia Deputy Director (Programme) chu Joint Director (Work & Monitoring) posta hlankai te, SCERT Special Edication Cell hnuaia Lecturer post pali (4) siam te, Directorate of School Education Statistical Cell tih chakna tura Muster Roll Skill II anga Data Entry Operator post pakhat siam te, Kamalanagar college leh Mizoram Law college provincialise tura rawtna te, UGC Regulations, 2010 Mizoram College te a hman ve rawtna te, UD&PA hnuaia Assistant Engineer post pahnih (2) siam te, Lunglei district tana District Urban Development Officer post pakhat Pay Band 3 GP 6,600/- siam te leh The Aizawl Municipal Council Licensing (First Amendment) Regulations 2013 siam that rawtna te a tel a.
Hengte bakah hian Cabinet Meeting-in a pawmpui dangte chu : The Mizoram Entertainment Tax Rules,2013 te,The Draft Money Circulation Scheme (Banning) (Mizoram) Rules, 2013 te, Lunglei ah Accounts and Treasuries hnuaia Joint Director office hawn te, Mizoram sorkar hnuaia contract employees post 17 tana DA 20% of Basic pay pek rawtna te, Mizoram college of Nursing tana post 14 hnawhkhah dilna te, Mizoram sorkar sum dinhmun ziaawm huna Minimum wages rate a variable dearness allowance leh 25% of wages telh te pawm a ni a. Draft Mizoram Unorganised Workars’ Social Security Rules, 2013 te, Draft Mizoram Inter State Migrant Workmen (Regulations of Employment and Conditions of Services)(Amendment) Rules, 2013 te, Aizawl leh Lunglei Judicial District a Fast Tract Courta Judge post hnih (2) siam te, The Mizoram State Training Policy, 2013 te, tih belh ngai tihbelha Mizoram Engineering Service Rules, 2013 leh Mizoram Engineering Service (Competitive Examination) Regulations, 2013 te, Pu K. Lalchhunga, IPS (Rtd), Commissioner of Inquiry lawmman fix that te, Draft Mizoram Food & Civil Supplies (Amenment) Service Rules, 2013 te, Pualreng Wildlife Sanctuary chungchanga final notification siam te chu remtih a ni bawk a. Mizoram sorkar leh Hmar People’s Convention ten Memorandum of Settlement an ziah chu hman tura rawtna chu sawiho a ni a, la sawiho chhunzawm tura tih a ni. Sinlung Hills Development Council Constituencies delimitation chungchang pawh sawiho niin, la sawiho leh tura remtih a ni bawk.
Hengte bakah hian Inspector of Policete hnena ration leh Leave Compensatory Allowance hnuhkir tawh chu pek let leh remtih a ni a, Dy SP (DSB) post pakhat chu Director General, Mizoram Home Guard a hlankai remtih a ni bawk a, MPS Senior Administrative Grade post pakhat DIG (Armed Branch)a duty posta (Functional) a siam remtih a ni bawkin, Taxation Department tih changtlunna turin Saiha, Serchhip, Lawngtlai leh Mamit Zone tan Assistant Commissioner post pali (4) siam remtih a ni bawk.
