Vawiin khan Mizoram Legislative Assembly inthlan inbuatsaihna atan Aizawl DC Office Committee Room-ah political party hrang hrang aiawhten inthlan laia sum hman dan chungchang “Election Expenditure Monitoring & Model Code of Conduct” inhrilhhriatna leh zirhona an nei.
Thu sawiin Aizawl Bawrhsap, Dr. Franklin Laltinkhuma chuan inthlan laia pawisa hman dan chungchang chu chiang taka inhrilhhriat a ngaih thu sawiin, political party tinte chu uluk tak leh felfai taka account vawng turin a chah a. Candidate tinin an pawisa hman dan video surveillance team-in tha takin an vil reng dawn a, Account Team-in shadow register a vawn chu party te account aia a tam chuan, insawifiah tura koh an nih tur thu a sawi bawk. Hemi chungchang hi a pawimawhzia hriaa political party tinte chu anmahni party theuhah inhrilh hre turin a ngen bawk.
He hun hi Pi H. Lalchhandami, Election Officer, Aizawl District chuan kaihruaiin, Pu Lalrohlua, Under Secretary, DP & AR chuan zirtirna a pe a ni.
