Cricket Association of Mizoram (CAM) chuan vawiin khan an President Pu Lal Thanhawla, Chief Minister hoin Chief Minister Office cabinet room-ah meeting neiin, kumin May ni 2 a CAM hruaitu thlan tharte hnenah charge an inhlan.

Meeting-ah hian Chief Minister Pu Lal Thanhawla chuan Board of Cricket Control of India (BCCI) a CAM in affilliate thuai anih theihna tura BCCI hruaitu Pu Arun Jaitley chu tunhnaia a hmuh thu a sawi a. Pu Arun Jaitley hi cricket lama a inhnamhnawih vak tawh loh avangin BCCI a Chief Administrative Officer Prof. Ratnagar Shetty chu CAM President hian lo be pawp se meeting chuan a ti a. Mizoram chhunga Cricket Club hrang hrang ten CAM a affiliation ti tura in registerna hun kumin 2014 August ni 18 - 23 thleng hawn nise meeting chuan a ti bawk a.Club ten player transfer mumal zawka an kalpuina turin players transfer Rules siam a, in transfer hun atan 1st - 18th August 2014 chhung hawn nise an ti bawk a ni.

CAM hruaitu tharte hi President ah Pu Lal Thanhawla, Working President - Pu Lalrochuanga Pachuau, Vice President ah Pu K.Lalbiakthanga, Gen Secretary - Pu Mamon Majumdar, Asst Secretary - Pu B.Lalnuntluanga, Treasurer - Pu Zosangliana leh Fin Secretary ah Pu K.Lalzuiliana te an ni.