Chief Minister & Chairman, Mizoram State Planning Board Pu Lal Thanhawla kaihhruaina hnuaiah vawiin khan a office conference room-ah Mizoram State Planning Board Meeting neih a ni.
He meeting-ah hian Mizorama Skills Development Mission mumal zawk leh hlawk zawka kalpui dan tur sawiho a ni a. National Skills Qualification Framework kum 2018 tawp lam atanga tan tur atana inpuahchah dan tur leh hei hi remchanga hmang a Mizorama training leh education system siamthat leh tihhmasawn anih theih nana ruahmanna siam dan tur kawng hrang hrang ngaihtuah a ni.
Hmasawnna hna thawh avanga ramngaw tihchhiat thin chu hmasawnna project kalpuituten an chawi thin, Net Present Value of Forest Cover / Diversion avanga Mizorama Hydro Power Projects in a tawrh theih dan leh hmalakna tul awm hrang hrang sawiho bawk a ni.
He meeting-ah hian Fourteenth Finance Commission Recommendation leh Union Budget 2015 - 16 avanga Fiscal Federal Structure implication hrang hrang sawiho a ni bawk a, hmalakna tur hrang hrang awmthei ngaihtuah ho a ni bawk.
Meeting-ah hian Planning Board member an kal kim hle a. Member te bakah sawmbik Minister Pu R.Romawia, Pu H.Rohluna leh Pu Lalrinmawia Ralte te leh official pawimawh engemawzah an tel bawk a ni.
