Parking House Support Scheme (PAHOSS) hmalaknaa ruahmanna siamtu ber Parking House Committee chuan vawiin khan Chief Minister Pu Zoramthanga hovin CM Cabinet Meeting Room ah a vawi li na atan an thukhawm a. PAHOSS hmalakna kalpui mekte thlirhona leh chak zawka hmalak dan tur an sawiho a.

Meeting-ah hian PAHOSS hnuaiah a remchan dan anga government leh semi-government building te pawh rin luh ruahman a ni a. PAHOSS hmalakna chu chak zawka kalpui a nih theih nana beneficiary te hnena installment pek dan te sawiho a ni bawk. Vawiin meeting-ah hian huam zau zawka he hmalakna ni kalpui a nih theih nan Champhai leh Lunglei a Parking House Scheme kalpui chungchang leh, district capital tin a kalpui theih dan tur ruahmanna siam tura rel a ni. Parking House Logo insiamsiak, I&PR Department in a buatsaih a entry te thlirho a ni bawk.

Tun dinhmunah PAHOSS hnuaiah hian a vaiin dilna 1225 lut tawh zingah 838 chu enfiah tawh a ni a. Beneficiary 140 chu pawm tawh an ni a, beneficiary 29 hnenah first installment pek tawh a ni.

Vawiin meeting ah hian MLA Pu C. Lalmuanpuia leh board member dangte an kalkhawm a ni.

Attachment

  • Loading attachment...