Chief Minister Pu Lal Thanhawla hovin vawiin khan a office conference room-ah Aizawl Development Authority chuan meeting vawi 14-na an nei.

Meeting-a rorel tur an chhawpchhuahte zingah IIT, Kharagpur ina Aizawl Master Plan 2030 a buatsaih chungchanga sawiselna leh thurawn pekte lo zirchiangtu, Board of Enquiry & Hearing in a zirchianna Chief Minister hnena ni 29 Feb 2012 a thehluh chu meeting pawmpui tura tih anih angin pawmpui a ni a. Report of the Committee on subordiante legislation on ADA Rules, 2005 & ADA Building Regulations, 2008 and its amendment thereof tih pawh pawmpui a ni bawk a. ADA atanga Aizawl Municipal
Corporation a hnathawk 49 te sawn chungchanga an dinhmun tichiang tura tih chu, a post dinhmunte zirchian leh phawt nise meeting chuan a ti a ni. Heng bakah an budget dinhmun an thlirho bawk a ni.