Aizawl leh a chheh vel khua te tana District Level Workshop on NLUP chu vawiin nileng khan Vanapa Hall ah neih a ni a, Chief Minister Pu Lal Thanhawla'n a hmanpui.
Khuallian Pu Lal Thanhawla chuan thu sawiin NLUP khawtlaina chhan pakhat chu central sorkarin hlawhtlinpui ngei tura min duhpui avanga uluk taka duang tura min duh vang a ni, a ti a. Central Sorkar chuan he kuthnathawktute chhanchhuahna programme hi tha a tih em avangin nasa takin a buaipui a, meeting pawh vawi tam tak neih a ni, a ti. NLUP buaipuitu officials te lam chuan thahnemngai tak leh rim takin an thawk a, a dawngtu tur te chuan thahnem an ngai leh zual tur a ni, a ti bawk. Mi rethei leh harsa te tana eizawnna ngelnghet an neih theih nana NLUP chu a hlawhtlin ngei theih nan sorkar chuan fimkhur takin a kalpui a, thlai thar hralhchhuahna tur marketing lam pawh ngaihtuah sa vek a ni, a ti bawk. Chief Minister chuan Pathian tihna nen, taihmakna leh rinawmna nena kan thawh phawt chuan NLUP hian kan ram damna a thlen dawn a ni, a ti bawk.
Programme hmanpuitu Home Minister Pu R.Lalzirliana chuan central sorkar mi rinkai Chief Minister kan nei chu Mizo te tan a vanneihthlak a, NLUP tana sum tak min petu central sorkar chungah lawmthu kan sawi mawlh mawlh tur a ni, a ti bawk. A hnu lawka chhawr leh theih loh atana sorkar sum tam tak senral a ni thin chu pawi tiin Home Minister chuan NLUP bawhzui chhoh na turah pawh a pawimawh leh tul hmasa te uluk taka thlang fel a, hma lak ni se a duh thu a tarlang bawk. Kan rilrem zawng taka kalpui hian hmalakna a hlawhtling duh a ni tiin ram hruaitu leh officials te chu tha ber ni-a an hriat anga huai taka kal tlangpui zel turin a chah bawk.
NLUP Implementing Board Chairman Pu R.Selthuama chuan kumin 2010-1011 ah NLUP chu bul tan tur niin sum neih zat pawh Rs 46,610 lakhs lai a nih thu a puang a, sum chu a tam tawk a, a hlawhtlinna chu a dawngtu kutah a innghat dawn a ni, a ti. NLUP chu retheihna bawih atanga chhandamna a ni a, a hlawhchham a nih ngat chuan Mizoram tan a bak engmah a awm theih tawh loh tur thu a tarlang bawk. NLUP hmasaa thenkhat an hlawhchamna chhan chu trade thlan thiam loh vang a ni tiin tunah chuan tihhlawhtlinna chang kan hriat pawh a tul a ni, a ti bawk.
Vawiin NLUP Workshop hi Aizawl DC Pu C.Thanchhuma'n a kaihruai a, sorkarin policy a duang a, vawiina Workshop hmangtu te chu chumi tihlawhtling tura mawhphurhna neitu an nih inhriaa, NLUP dawngtu tur zawng zawng koh khawm sen an nih loh avanga midangte zirtir chhawng zel tur an nih hre reng turin a chah bawk.
NLUP Implementing Board Vice Chairman Pu P.L.Thanga chuan Power Point Presentation hmangin NLUP kalphung leh thawh chhoh dan tur te a sawifiah a, line department hrang hrang - Industries, Horticulture, Fisheries, AH&Vety., Forests, Sericulture, Soil & Water Conservation leh Agriculture Department-a Nodal Officer ten an department hnuaia trade thlan theih leh kalpui dan turte an sawifiah a, veng/khaw hrang hrang harsatna te an sawiho bawk. Programme tawp ah Nodal Minister Pu H.Liansailova'n lawmthu sawina neiin hun a khar a ni.
Vawiin NLUP Workshop ah hian Ministers Pu Lalsawta leh Pu N.K.Chakma bakah Parliamentary Secretaries Pu Chawngtinthanga leh Pu Lalrinmawia Ralte te, Law Commission Chairman Pu R.Lalrinawma te bakah Secretaries/Commissioneries leh department hotute an kal tha hle a ni.
Programme hmanpuitu Home Minister Pu R.Lalzirliana chuan central sorkar mi rinkai Chief Minister kan nei chu Mizo te tan a vanneihthlak a, NLUP tana sum tak min petu central sorkar chungah lawmthu kan sawi mawlh mawlh tur a ni, a ti bawk. A hnu lawka chhawr leh theih loh atana sorkar sum tam tak senral a ni thin chu pawi tiin Home Minister chuan NLUP bawhzui chhoh na turah pawh a pawimawh leh tul hmasa te uluk taka thlang fel a, hma lak ni se a duh thu a tarlang bawk. Kan rilrem zawng taka kalpui hian hmalakna a hlawhtling duh a ni tiin ram hruaitu leh officials te chu tha ber ni-a an hriat anga huai taka kal tlangpui zel turin a chah bawk.
NLUP Implementing Board Chairman Pu R.Selthuama chuan kumin 2010-1011 ah NLUP chu bul tan tur niin sum neih zat pawh Rs 46,610 lakhs lai a nih thu a puang a, sum chu a tam tawk a, a hlawhtlinna chu a dawngtu kutah a innghat dawn a ni, a ti. NLUP chu retheihna bawih atanga chhandamna a ni a, a hlawhchham a nih ngat chuan Mizoram tan a bak engmah a awm theih tawh loh tur thu a tarlang bawk. NLUP hmasaa thenkhat an hlawhchamna chhan chu trade thlan thiam loh vang a ni tiin tunah chuan tihhlawhtlinna chang kan hriat pawh a tul a ni, a ti bawk.
Vawiin NLUP Workshop hi Aizawl DC Pu C.Thanchhuma'n a kaihruai a, sorkarin policy a duang a, vawiina Workshop hmangtu te chu chumi tihlawhtling tura mawhphurhna neitu an nih inhriaa, NLUP dawngtu tur zawng zawng koh khawm sen an nih loh avanga midangte zirtir chhawng zel tur an nih hre reng turin a chah bawk.
NLUP Implementing Board Vice Chairman Pu P.L.Thanga chuan Power Point Presentation hmangin NLUP kalphung leh thawh chhoh dan tur te a sawifiah a, line department hrang hrang - Industries, Horticulture, Fisheries, AH&Vety., Forests, Sericulture, Soil & Water Conservation leh Agriculture Department-a Nodal Officer ten an department hnuaia trade thlan theih leh kalpui dan turte an sawifiah a, veng/khaw hrang hrang harsatna te an sawiho bawk. Programme tawp ah Nodal Minister Pu H.Liansailova'n lawmthu sawina neiin hun a khar a ni.
Vawiin NLUP Workshop ah hian Ministers Pu Lalsawta leh Pu N.K.Chakma bakah Parliamentary Secretaries Pu Chawngtinthanga leh Pu Lalrinmawia Ralte te, Law Commission Chairman Pu R.Lalrinawma te bakah Secretaries/Commissioneries leh department hotute an kal tha hle a ni.
Attachment
- Loading attachment...
