Rural Development Ministry chuan Mizoram a thingtlang khaw kar inkalpawhna kawng siamna turin Pradhan Mantri Gram Sadak Yojana (PMGSY) hnuaiah Grant in aid cheng vaibelchhe 15 a pechhuak ta. He sum hi NABARD (National Bank for Agriculture & Rural Development) atangin RIDF hnuaiah Mizoram Rural Roads Development Agency (MRRDA) hnenah pek a ni ang. MRRDA hi PMGSY hmalakna hnuaia hnathawh tur hrang hrang awm te thawk tu a ni.
PMGSY hi ram chhung a thingtlang khuate tana inkalpawhna tha siam a nih theih na tura sorkar laipui hmalakna niin sum senso te hi sorkar laipuiin za ah za a tum a. Phai ramah chuan mi 500 aia tam chenna khuate tana ruahman niin, tlangmi, hnam hnufual zawk te chenna ram ah erawh mi 250 leh a chunglam chenna khuate tan a kawng tha, sik leh sa, fur ruahtui ten a tihchhiat mai mai theih loh kawng tha siam hi PMGSY in a tum a ni.
