Vawiin khan Bamboo Development Board chu CM Cabinet Meeting Room-ah an chairman Chief Minister Pu Zoramthanga hovin board hmalakna tur an sawiho. Bamboo Development Board ah hian MLA Pu K. Pachhunga chu Vice-Chairman niin Horticulture Secretary chu member secretary a ni.

Vawiin meeting-ah hian rua chin bultanna tur atan Model Plantation siam rel a ni a. Growmore Biotech in a chi (seedlings) a supply hmangin kumtharah chhungkaw 100 atanga 200 emaw enkawl tur Model Plantation hi siam in, chhung khat/ in khatin tin 2 leh a chanve bawr vela zau hmun an enkawl ang a. A vah fai te, khur laih te, mang khawhna turah te puihna sum ruahman in, puihna sum hi ram zau zawng leh khur laih zat azir a rate bituk ang zela inpek a ni ang a. Society in hmalakna te enfiahin, puihna sum pawh hi society kaltlanga pe tura rawtna siam a ni. Heng bakah hian a kar a thlai dang chin tur, mixed cropping a chin theih turte ngaihtuahho a ni bawk.

Vawiin meeting-ah hian Planning Board Vice-Chairman Pu H. Rammawi, Member Secretary Pu J.C. Ramthanga leh board member dangte an tel a ni.