Khua leh tui ten Ram Danpui lakah an inhlan thar leh nan leh a pawimawhna an lo hriat zel atan kum dang ang bawkin Ram Danpui Ni Constitution Day chu naktuk November ni 26 khian ram pumah hman a ni leh dawn a. He Ni hmanna hi Mizoram Sawrkar chuan naktuk , November ni 26 chawhnu dar 2:00 ah Vanapa Hall ah a buatsaih dawn a. General Administration Department thuchhuak angin Mizoram Sawrkar Group ‘A’ entry level leh a chung lamah thawk officer zawng zawngte, Aizawl a awm mek te chu he Ni hman naah tel vek tura hriattir an ni a. He ni hmanna a chhan engemaw avanga tel thei lo te chu Chief Secretary phalna la hmasa tur hriattir an ni bawk.

Kumin hi ram in Ram Danpui a pawma, kum 70-na a ni a, Sawrkar Laipui chuan hemi pualin Fundamental Rights chungchang ,khua leh tui ten an hruiatzauna atan leh inhrilhhriatna atan naktuk atanga tan in, April ni 14, 2020 (Dr. B.R. Ambedkar pian cham) thleng  awh turin hemi chungchang National Campaign an bautsaih dawn a ni.