Vawiin khan Bamboo Link Road Board chu CM Conference Hall-ah an chairman Chief Minister Pu Zoramthanga hovin board hmalakna tur an sawiho. Bamboo Link Road Board ah hian MLA Pu Ramthanmawia chu Vice-Chairman niin PWD Secretary chu member secretary a ni.

Chief Minister chuan rua hmanga state economy tihhmasawnna atan link road a pawimawhzia sawiin, board chuan hna hautak tak, beihpui a beih ngai thil a nih thu a sawi a. Board member te chu bamboo link road siamna tur hmun remchang leh siam a tulna hmunte a chingtu tur te nen inrawn chunga uluk taka bawhzui turin a chah.

Vawiin meeting-ah hian board hmalakna atana tih tur tul hrang hrangte sawiho a ni a. Mizoram chu India ram thenawm pahnih Bangladesh leh Myanmar ri tu a nih avangin rua leh rua atanga thilsiamte chu hralhchhuahna lamah harsatna a awmloh tur thu tr sawilan a ni bawk.

Vawiin meeting-ah hian Planning Board Vice-Chairman Pu H. Rammawi, Adviser to CM Pu C. Lalramzauva, Additional Chief Secretary leh board member secretary ni bawk Pu J.C. Ramthanga, Planning Secretary Dr. C. Vanlalramsanga leh board member dangte an tel bawk.