2465/2024-2025

Dated Aizawl, the 10th October, 2024:  Vawiin khan CM Conference Hall-ah Chief Minister Pu Lalduhoma kaihhruaiin Centre for Environment & Social Justice hotute leh Taxation Department hotuten meeting an nei a. Chhiah thar siam chuang lova sawrkar sum leh pai dinhmun tha zawk a awm theih nana chhiah lak khawm tihpun dan tur inrawnkhawmna an nei.

He meetingah hian, state pawn atanga Mizorama sumdawng bungrua lo lut, GST pe si lo te dap chhuah leh fel fai zawka umzui dan tur te, Mizoram chhunga sumdawnna kalpui, GST pe ngei tura ngaih, pe si lo an tam ni a lang te, GST hi goods (bungruaah) chauh ni lova Services ah pawh lak tur a nih thu leh; services sector atanga chhiah pe lo an tam si nia a lan thu te bakah chhiah lama Mizoram hmasawnna tur thil dangte an sawi a. Hma lak zui dan tur ruahmanna te pawh an duang a ni.

Meeting ah hian Pu TBC Lalvenchhunga, Adviser to CM leh official pawimawh te an tel a ni.